Топ-100

Аиашазы уамашәа иҟоу, шәара ишәзымдыруаз, аҳаирхыҧраарақәа ирызку аҵабыргқәа

Аиашазы уамашәа иҟоу, шәара ишәзымдыруаз, аҳаирхыҧраарақәа ирызку аҵабыргқәа

Поистине странные факты, которых вы не знали об авиаперелетах

Игәымчҳау апассаџьырцәа, шәара уажә шәгәы шәҽанышәҵар ахәҭоуп. Зыҧсы ҭам ахәамцқәа индыркны адыдмацәыс асра аҟаларалшара аҟынӡа – арҭ аҵабыргқәа 18 ирылшоит анаҩстәи аҳаирхыҧраара аҟынтә шәахьырхәра. Бзабааны, аҧырра, ҷыдала хаҭалатәи аҧрыӷбала – уи еиҳа ишәарҭадоу аиҭаҵшьақәа ируакуп (жәаҳәарада, аҵҧраара маншәалахар). 

  1. Аҧырыҩцәа реиҳараҩык адыдмацәыс рысхьеит

Ҧырҩык ишиҳәаз еиҧш: «Сара адыдмацәыс ҩынтә исысхьеит. Аҧырыҩцәа реиҳараҩык реиҧшҵәҟьа. Аҧрыӷбақәа адыдмацәыс рыдхаларатәа убас иаҧҵоуп. Шәара шьҭыбжь гәаҩак шәаҳауеит, ишашоу алашара ацәырҟьара жәбоит, уаҳа акгьы. Ари иаанагом, адыдмацәыс анаслак аамышьҭахь, аҧрыӷба каҳароуп ҳәа.

  1. Аҧрыӷбақәа рацәаны, атәылауаҩтә мҩангагатә ҧрыӷбар (авиациа) рнапынҵа нагӡауа, аҧсыбаҩқәеи ауаҩытәыҩсатә цәеижьхәҭақәеи ииаргоит.

Ҧырҩык аҭыжьымҭа Reddit адаҟьақәа рыҟны иҩит: «Аидаратә ҳаирмҩангарақәа мҩаҧысуеит ахәаахәҭратә ныҟәарақәа рышьаҭала. Аидарақәа руак ианырҵон, жәахаҭала «ауаа рыбаҩ-рышаҩ» ҳәа зҵазкуа, англызбызшәалатәи ажәаркьаҿ HR (Human Remains) зну адырга». «Ауаа рахьтә џьоукы, анышә иамардарц ахьырҭаху аҭыҧ аҟынтә, хара иҧсуеит. Дара амҿы иалху еибаркырала иҟаҵоу аидчаҧала иҭарҵоит, убри аҟнытә апассаџьырцәа рахьтә аӡәгьы издыруам уаҟа иҭоу – угәы уҽаннаҵар ауеит аидара ахаҭа иамоу акы иаламҩашьо аҧшра». Шәара, аҳаиркомпаниа Delta ала шәаныҧыруа ишәаҳауазар, мамзаргьы ижәбозар ажәаркьаҿ HR, уи иаанагоит аидаратә ҟәшаҟны ишыҟоу зыҧсы ҭам ахәамц.

Поистине странные факты, которых вы не знали об авиаперелетах

Компаниақәак, EasyJet еиҧш иҟоу, аидаратә ҳаирмҩангарақәа ирылахәӡам, убри аҟнытә агәра ганы шәыҟазар ауеит урҭ рыҧсырқәа акәыбақәа шырҭам.

Зны-зынла апассаџьырцәа аҧырраан рыҧсҭазаара ианалҵуагьы ыҟоуп, арҭ азҵаарақәагьы еиуеиҧшым аҳаиркомпаниақәа еиҧшым знеишьала ирыӡбоит.

 

  1. Аҧырыҩцәа анааҧсалак, зны-зынла акабина иҭаианы ианыцәо ыҟоуп

Аҧырыҩцәа рзанааҭеидгыла BALPA (британиатәи аҧырыҩцәа рхеидкыла) имҩаҧнагаз аҿахәҿыхраан, аҧырыҩцәа реиҳараҩӡак (56%) рҿы иақәшаҳаҭхеит акабина аҿыҵәҟьаҿ ишыцәоз. Убри аамҭаз, зҿахәы зҿырхыз рыхҧарак, ацәа ианалҵуаз, ирбон аҩбатәи аҧырыҩгьы дшыцәоу.   

 

  1. Rolls Royce аҧрыӷбатә рныҟәагақәа аҧышәарҭа иахнажьуан, абзарбзан аҟынтә зыҧсы ҭам ақәҷышьқәа аужьуа

Поистине странные факты, которых вы не знали об авиаперелетах

Аҧсаатәқәа ирылшоит сааҭк аҩныҵҟа 229 км рҟынӡа иласны аҧырра, ус анакәха уи маҷк Angry Birds ҳәа хьӡыс измоу ахәмарра еиҧшуп.

 

  1. Аҧрыӷбартә (авиациатә) хьчара арыжәтә зҽазыршьыз апассаџьыр иеиқәкраз аекипаж иацхраауам

Лассы-лассы убас ҭагылазаашьак ҟалалоит, ачарҭ аҿы иҟоу, арыжәтә зҽазыршьыз апассаџьыр ӷәӷәала ишьҭыбжь аргара даналагалак – ари ачарҭ аҟны, штаттә маҭәала еилаҳәоу ахьчаҩцәа ыҟоу-иҟаму уеилзыркаауа, атеррористцәа бзиа еицырбо мааноуп. Аӷьычра аҟаларалшара шәырмаҷыр шәҭахызар, уи алҵшьак амоуп – ахатә ҧрыӷба қьырала агара.

 

  1. Лассы-лассы ачарҭ аҿы иубарц ауеит аиха

Лассы-лассы аҧрыӷбақәа рчарҭ аҿы, афымцатә былра ацәырҵымҭаз, алашарбагақәеи аҭӡамцқәеи рыҧҽразы аиха иазыбжахоит. Иҳамоу алкаақәа рыла, Germanwings ҳәа хьӡыс измоу аҳаиркомпаниа аҧырҩы Патрик Зонденхаимер, аикәаӷа ихы иархәаны, аҧрыӷба анаҩс ишиашоу Франциатәи Альпқәа рыцаҟьажәла аархаразы, аҩбатәи аҧырҩы Андреас Лубиц иҽахьиҩнеикыз акабина ашә ҧҽны аҩналара иҽазишәеит.

 

  1. Аҧрыӷбақәа рҿы иҟоу «аҿыц» лымҳарҳагақәа аиашазы хараӡа еснагь иҿыцым

Аҳаиркомпаниа зыхьӡ арбам аусзуҩы иааицҳаит: «Краамҭатәи аҧыррақәа раан апассаџьырцәа ирырҭо алымҳарҳагақәа ҿыцӡам, урҭ еидырҭәалоу, аҳауа назмышьҭуа аилаҳәарақәа ишырҭоугьы. Аҧырра аамышьҭахь урҭ дрыцқьоит, анаҩс еиҭах еидырҭәаланы аилаҳәарақәа ирҭарҵоит. Иара уигьы игәымхоу маҭәар заҵәым аҳаирӷба ачарҭ аҿы». Иҟалап, ахатәы ҧрыӷбақәа ирҭатәоу апассаџьырцәа заҵәык ракәзар ари аҩыза аҟынтә ахацәыхьчара иақәгәыӷуа.

 

  1. Аҧрыӷба ачарҭ аҿы атәараан алашара дырмаҷуеит амашәыр ҟалозар ҳәа

Quora адаҟьақәа рҿы аҧырҩы Тим Морган иҩит: «Аҧрыӷба уахынла иантәо, уи ачарҭ аҿы алашара дырмаҷуеит, атәараан ауаа рдәылҵра арманшәалараз. Убасала шәара шәыблақәа ахьӡоит алашьцара ашьцылара, аҧрыӷба анҭыҵ иаашәыкәыршаны иҟоу еиӷьны абаразы».

Поистине странные факты, которых вы не знали об авиаперелетах

 

  1. Аҧырыҩцәа рымчра

Аҧырыҩцәа закәанла азин рымоуп ауаа рҭакра, ахараҧса рзылҩаара, иара убас урҭ ирылшоит зыҧсҭазаара иалҵуа аҵыхәтәантәи ргәаҳәара иашаҳаҭцәаны иқәгыларц (даҽакала иуҳәозар, ауасиаҭажәақәа авиза рықәҵара).

 

  1. Акаҳуа мап ацәышәк

Еиҭахгьы Reddit адаҟьақәа рыҟны хархәаҩык иҩит: «Аҧрыӷбаҿ акаҳуа даараӡа игәымхоуп, избан акәзар уи аҭреи амкьаҭи, есышьыжь аҧыррахь инарышьҭуа, аӡәгьы иӡәӡәом. Амаҵ зуа аусзуҩцәа ма имаҷны ирзыршәоит, ма арыцқьараз иахәҭоу амаҭәахәқәа рырҭом, убри иахҟьаны урҭ еиҳарак атехника ирымоу ӡык нахьдыршоит, анаҩсгьы уахь инҭарыҧсоит акаҳуа иҿыцу зынчарак».

 

  1. Амш анҵәамҭаз аҳауацәқәырҧара аҽарцәгьоит

Reader’s Digest адаҟьақәа рҿы ицәырҵит абас еиҧш иҟоу адырраҭара: «Шәара ҧрыӷбала аҧырра шәацәшәозар, крызҵазкуа акы акәым шәара хатәы ҧрыӷбала шәҧыруоу, мамзаргьы ахәаахәҭратә ныҟәарақәа мҩаҧызго ҧрыӷбала шәҧыруоу, игәцаракны шәашьҭал шьыжьла ицо аҧрыӷбахь абилеҭ агара. Аус злоу, адгьыл аҟынтә ишьҭыҵуа аҧхара аҳауатә ҭаҳарҭақәа рцәырҵра арманшәалоит, уи адагьы, амш аҩбатәи азыбжаз еснагь иазҳауеит адыдмацәыс аҟаларалшара».

Business jet airhostess bringing the cup of coffee to the passenger

 

  1. Ианаамҭоу аара еиҳа ихадоуп, апассаџьырцәа зегь раагара аасҭа

Даҽа ҧырҩык иациҵеит: «Еиду Америкатәи Аштатқәа ртранспорт аминистрра аиқәҷабра ахшыҩзышьҭра азнауеит аусҧҟа аҭыжьра аҟынӡа, аҧырыҩцәа рыҧырра ахгара азин шрымам азы, аиҿарҧаратә реис аиҵахара иахҟьаны 20 наӡына раҟара апассаџьырцәа агхаргьы». 

 

  1. Аҧырыҩцәа еиуеиҧшым ачысхкқәа рыфара рықәшәоит

Ахәаахәҭратә, уҳәа ахатәы ҧрыӷбақәа рыҧырыҩцәа инеиҧынкыланы чысхкык мацара рзыфаӡом, ирфо машәыршақә ирҧырхагамхарц азы. Жәаҳәарада, аҭагылазаашьа аҽаруадаҩуеит, аҧырыҩцәа рҩыџьегь ҵиаала ичо ауаа иреиуазар. Убасҵәҟьа дара ирымам азин афатәқәа ршара.  

Поистине странные факты, которых вы не знали об авиаперелетах

 

  1. Ашьышьмақәа иҟалоит раартра адәахьала

Асанитартә еибаркыра, асанитартә уадаҿ иҟоу адырга иалаҵәаху, шәага-загала рацәак идуум, унахар ашә аазыртуа, алыкә амоуп. Кәу-кәу!

Поистине странные факты, которых вы не знали об авиаперелетах

 

  1. 2003 шықәса рзы иӷьычын аҧрыӷба… уинахыс аӡәгьы уи имбеит

2003 шықәса, лаҵарамза 25 рзы Boeing 727, аидарамҩангагатә ҧрыӷбар рҭахрақәа инрықәыршәаны ирҿыцу, адизельтә былтәы ахызгоз, амеханикцәа ҩыџьа рыла иӷьычын. Аҧшыхәра Афедералтә биурои Ацентртә ҧшыхәратә усбарҭеи жәларбжьаратәи аҧшаарақәа ирылагеит, аха, егьа рундаз, амҵҧааҩцәа рзымҧшааӡеит, аҧрыӷба ахаҭа акәзар, иҟалап, аҳауа иалаӡҭызаргьы.

 

  1. Апринц Чарльзи апринц Уилиами аицҧырразы азин рырҭаӡом

Акралҧҳәыс иҟалҵаз аҳәара инақәыршәаны, лара лҧеи лҧеиҧа аиҳаби реиск ала изыҧыруам. Уи иагьеилкаауп – акралҧҳәыс илҭахым, аҧрыӷбатә машәыр ҟалар, ҩыџьа лышьҭрамадаҩцәа лцәыӡыр.

Поистине странные факты, которых вы не знали об авиаперелетах

 

  1. Аҳауахыҧраара – ари транспортлатәи аиҭаҵраҿ ашәарҭадаратә ҩаӡарала аҩбатәи аҭыҧаҿ игылоуп.

Машәыршақә уи шәара игәцарашәкуазар, иазгәаҭатәуп аҧрыӷбақәа раасҭа алифтқәа еиҳа ишшәарҭоу.

 

  1. Зегь реиҳа икьаҿу ахәаахәҭратә реис Оркнеитәи адгьылбжьахақәа еимардоит

Шотландиатәи архипелаг иаҵанакуа адгьылбжьахақәа рыбжьара иҩагоу аҧырратә бжьаӡара Единбург иҟоу аҳаирбаӷәаза иатәу ашьҭыҧраара-атәаратә рӷаз аасҭа икьаҿуп. Адгьылбжьахақәа Уестреи, иара убас Папа-Уестреи рыбжьара ҩ-минуҭк рҟынӡа инаӡо ахыҧраара ҧхьаӡоуп адунеиаҿ зегь раасҭа икьаҿу хәаахәҭратә реисны. Ажәакала, ари ареис аҿы архынҳәратә билеҭ иаҧсоуп 63 доллар.

Ольга Шошина

VIP vacation in a tropical paradise